ആട്ടിൻതോലിട്ട ചെന്നായ്ക്കൾ: മന്ത്രി വാസവൻ
കോട്ടയം: നിയമസഭാ തെരഞ്ഞെടുപ്പ് കഴിഞ്ഞതിന് തൊട്ടുപിന്നാലെ ക്രൈസ്തവ സഭാമേലധ്യക്ഷന്മാരെയും വിശ്വാസികളെയും അവഹേളിച്ച് ബിജെപി നേതാവ് പി.സി. ജോര്ജും മകന് ഷോണ് ജോര്ജും രംഗത്തെത്തിയതില് അദ്ഭുതപ്പെടാനില്ലെന്ന് മന്ത്രി വി.എന്. വാസവന്.
കാഞ്ഞിരപ്പള്ളി ബിഷപ്പിനെ അവഹേളിച്ച് പി.സി. ജോര്ജ് നേരത്തെയും രംഗത്തെത്തിയിരുന്നു. വോട്ടെടുപ്പു സമയത്ത് കേന്ദ്രമന്ത്രിമാരും ഗവര്ണര്മാരുമെല്ലാം സഭാ കവാടങ്ങളില് കാത്തുനില്ക്കും.
വോട്ടെടുപ്പ് കഴിഞ്ഞാല് തനി സ്വഭാവം കാണിക്കും. പാലം കടക്കുവോളം നാരായണ, പാലം കടന്നാല് കൂരായണ എന്നതാണ് ബിജെപി രീതിയെന്നും ആട്ടിന്തോലിട്ട ചെന്നായ്ക്കളാണ് ഇക്കൂട്ടരെന്ന് തിരിച്ചറിയണമെന്നും മന്ത്രി കൂട്ടിചേര്ത്തു.
വൈദികരെയും കന്യാസ്ത്രീകളെയും അറസ്റ്റ് ചെയ്ത് രാജ്യദ്രോഹക്കുറ്റം ചുമത്തി ജയിലിലടയ്ക്കുന്നവരുടെ പാര്ട്ടിയിലാണ് ഇരുവരുമെന്നും അവരില്നിന്ന് ഇതേ പ്രതീക്ഷിക്കാനാവൂ എന്നും അദ്ദേഹം പറഞ്ഞു.